ਕੇਜਰੀਵਾਲ ਦੇ ਵਾਅਦਿਆਂ ਨੇ ਵਿਰੋਧੀ ਪਾਰਟੀਆਂ ਦੀਆਂ ਨੀਂਦਾਂ ਉਡਾ ਦਿੱਤੀਆਂ ਹਨ ( ਹਰਜੋਤ ਸੰਧੂ,ਪ੍ਰੀਤਮ ਬੱਬੂ )

 ਫਤਹਿਗੜ੍ਹ ਚੂੜੀਆਂ 30ਜੂਨ (ਪੰਕਜ ਪਾਂਧੀ ) ਬੀਤੇ ਦਿਨੀਂ ਚੰਡੀਗੜ੍ਹ ਵਿਖੇ ਆਪ ਪਾਰਟੀ ਦੇ ਸੁਪਰੀਮੋ  ਅਰਵਿੰਦ ਕੇਜ਼ਰੀਵਾਲ ਨੇ ਪੰਜਾਬ ਲਈ ਜੋ 3 ਵੱਡੇ ਐਲਾਨ­ ਜਿਸ ਚ 300 ਯੂਨਿਟ ਤੱਕ ਬਿਜਲੀ ਮਾਫੀ­ ਪੁਰਾਣੇ ਬਕਾਇਆਂ ਨੂੰ ਮਾਫ ਕਰਕੇ ਕੱਟੇ ਹੋਏ ਕੁਨੈਕਸ਼ਨਾਂ ਨੂੰ ਵਾਪਸ ਬਹਾਲ ਕਰਨਾਂ ਅਤੇ 24 ਘੰਟੇ ਦੀ ਨਿਰਵਿਘਨ ਬਿਜਲੀ ਸਪਲਾਈ ਦੇਣਾਂ ਕੀਤੇ ਹਨ। ਪੰਜਾਬ ਚ ਆਪ ਦੀ ਸਰਕਾਰ ਬਣਨ ਉਪਰੰਤ ਇਨ੍ਹਾਂ ਵਰਗੀਆਂ ਹੋਰ ਵੀ ਅਨੇਕਾਂ ਸਹੂਲਤਾਂ ਨਾਲ ਆਮ ਆਦਮੀ ਪਾਰਟੀ ਪੰਜਾਬ ਨੂੰ ਮੁੜ ਸੋਨੇ ਦੀ ਚਿੜੀ ਬਣਾਂਏਗੀ­ ਇਨ੍ਹਾਂ ਗੱਲਾ ਦਾ ਪ੍ਰਗਟਾਵਾ ਹਲਕਾ ਫਤਹਿਗੜ੍ਹ ਚੂੜੀਆਂ ਦੇ ਸੀਨੀਅਰ ਆਪ ਆਗੂ ਹਰਜੋਤ ਸਿੰਘ ਸੰਧੂ­ ਜ਼ਿਲ੍ਹਾਂ ਇੰਚਾਰਜ਼ ਪ੍ਰੀਤਮ ਸਿੰਘ ਬੱਬੂ ਨੇ ਕੀਤਾ। ਸੰਧੂ ਅਤੇ ਬੱਬੂ ਨੇ ਕਿਹਾ­ ਕਿ ਕੇਜ਼ਰੀਵਾਲ ਸਾਹਬ ਨੇ ਸਿਰਫ ਐਲਾਨ ਨਹੀ ਕੀਤਾ­ ਨਾਲ ਕਿਹਾ­ ਇਹ ਕੈਪਟਨ ਦੇ ਵਾਅਦੇ ਨਹੀ ਕੇਜ਼ਰੀਵਾਲ ਦੀ ਗਰੰਟੀ ਹੈ। ਜੱਗ ਜਹਿਰ ਹੈ ਕਿ ਕੇਜ਼ਰੀਵਾਲ ਕਹਿਣੀ ਕਥਨੀ ਦੇ ਪੂਰੇ ਅਤੇ ਇਮਾਨਾਦਰ ਨੇਤਾ ਹਨ। ਇਨ੍ਹਾਂ ਸਹੂਲਤਾਂ ਦੇ ਐਲਾਨ ਨਾਲ ਕੇਜਰੀਵਾਲ ਨੇ ਜਾਤੀਵਾਦ-ਭੇਦਭਾਵ ਨੂੰ ਮਿਟਾਅ ਸਾਰਿਆਂ ਨੂੰ ਬਰਾਬਰ ਕਰ ਦਿੱਤਾ ਹੈ।

ਸੰਧੂ ਅਤੇ ਬੱਬੂ ਨੇ ਕਿਹਾ­ ਕਿ ਇਨ੍ਹਾਂ ਐਲਾਨਾਂ ਤੋ ਬਾਅਦ ਆਪ ਪਾਰਟੀ ਨੇ ਸਾਰੀਆਂ ਰਵਾਇਤੀ ਪਾਰਟੀਆਂ ਦੀ ਨੀਦਾਂ ਉੱਡਾਂ ਦਿੱਤੀਆਂ ਹਨ। ਅਤੇ ਵਿਰੋਧੀ ਪਾਰਟੀਆਂ ਬੁਖਲਾਹਟ ਚ ਉਲਟੀ-ਸਿੱਧੀ ਬਿਆਨ ਬਾਜ਼ੀ ਕਰ ਰਹੀਆਂ ਹਨ। ਉਨ੍ਹਾਂ ਕਿਹਾ ਕਿ ਆਪ ਪਾਰਟੀ ਵੱਲੋਂ 300 ਯੂਨਿਟ ਮਾਫ ਕਰਨ ਦਾ ਐਲਾਨ ਕੀਤਾ ਹੈ­ ਅਤੇ 300 ਤੋ ਉਪਰ ਵਾਲੇ ਯੂਨਿਟਾਂ ਦੇ ਹੀ ਬਿੱਲ ਦਾ ਭੁਗਤਾਨ ਕਰਨਾ ਪਵੇਗਾ। ਵਿਰੋਧੀ ਪਾਰਟੀਆਂ ਵੱਲੋਂ ਫੈਲਾਈਆਂ ਜਾਣ ਵਾਲੀਆਂ ਅਫਵਾਹਾਂ ਤੋ ਲੋਕ ਸੁਚੇਤ ਰਹਿਣ।ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਪੰਜਾਬ ਦੀ ਖੁਸ਼ਹਾਲੀ ਦੀ ਚਾਬੀ ਹੁਣ ਤੁਹਾਡੇ ਆਪਣੇ ਹੱਥ ਚ ਹੈ­ ਅਤੇ 2022 ਦੀਆਂ ਚੋਣਾਂ ਚ ਹੰਭਲਾਂ ਮਾਰ ਰਵਾਇਤੀ ਪਾਰਟੀਆਂ ਦਾ ਬਾਈਕਾਟ ਕਰਕੇ ਪੰਜਾਬ ਨੂੰ ਖੁਸ਼ਹਾਲ ਬਣਾਉਣ ਲਈ ਆਪਣੇ ਅਹਿਮ ਯੋਗਦਾਨ ਨਾਲ  ਸਰਬਪੱਖੀ ਪਾਰਟੀ ਆਪ ਦੀ ਸਰਕਾਰ ਬਣਾਉਣ।

ਕੈਪਸ਼ਨ: ਸੀਨੀਅਰ ਆਪ ਆਗੂ ਹਰਜੋਤ ਸਿੰਘ ਸੰਧੂ­ ਅਤੇ ਜ਼ਿਲ੍ਹਾ ਇੰਚਾਰਜ ਪ੍ਰੀਤਮ ਸਿੰਘ ਬੱਬੂ।