ਫ਼ਤਹਿਗੜ੍ਹ ਚੂੜੀਆਂ ਵਿਚ ਮੁਸਲਿਮ ਜਾਤੀ ਦੇ ਲੋਕਾਂ ਵੱਲੋਂ ਵਧਾਏ ਜਾ ਰਹੇ ਕਾਰੋਬਾਰਾਂ ਉੱਤੇ ਪ੍ਰਗਟਾਈ ਚਿੰਤਾ
ਮਜੀਠਾ ਦੇ ਪਿੰਡ ਅਨੈਤਪੁਰਾ ਵਿਖੇ ਵਾਪਰੀ ਘਟਨਾ ਸਬੰਧੀ ਮੀਟਿੰਗ ਕਰਕੇ ਮਤਾ ਕੀਤਾ ਪਾਸ
ਫ਼ਤਹਿਗੜ੍ਹ ਚੂੜੀਆਂ, 3 ਅਪ੍ਰੈਲ (ਪੰਕਜ ਪਾਂਧੀ )- ਫ਼ਤਹਿਗੜ੍ਹ ਚੂੜੀਆਂ ਏਕਤਾ ਮੰਚ ਵੱਲੋਂ ਇਕ ਵਿਸ਼ੇਸ਼ ਮੀਟਿੰਗ ਆਰਿਆ ਸਮਾਜ ਮੰਦਰ ਵਿਖੇ ਕੀਤੀ ਗਈ, ਜਿਸ ਵਿਚ ਸ਼ਹਿਰ ਦੀਆਂ ਵੱਖ-ਵੱਖ ਹਿੰਦੂ ਸੰਸਥਾਵਾਂ, ਦੁਕਾਨਦਾਰਾਂ ਅਤੇ ਬੁੱਧੀਜੀਵੀਆਂ ਨੇ ਸ਼ਮੂਲੀਅਤ ਕੀਤੀ। ਮੀਟਿੰਗ ਵਿਚ ਵੱਖ-ਵੱਖ ਮੁੱਦਿਆਂ ਉੱਤੇ ਵਿਚਾਰ ਚਰਚਾ ਕੀਤੀ ਗਈ ਅਤੇ ਵਿਸ਼ੇਸ਼ ਤੌਰ ਉੱਤੇ ਫ਼ਤਹਿਗੜ੍ਹ ਚੂੜੀਆਂ ਸ਼ਹਿਰ ਵਿਚ ਦਿਨੋ ਦਿਨ ਮੁਸਲਿਮ ਜਾਤੀ ਦੇ ਲੋਕਾਂ ਵੱਲੋਂ ਵਧਾਏ ਜਾ ਰਹੇ ਆਪਣੇ ਕਾਰੋਬਾਰਾਂ ਉੱਤੇ ਚਿੰਤਾ ਪ੍ਰਗਟਾਈ ਗਈ। ਮੀਟਿੰਗ ਵਿਚ ਹਲਕਾ ਮਜੀਠਾ ਦੇ ਪਿੰਡ ਅਨੈਤਪੁਰਾ ਵਿਖੇ ਗੁਜ਼ਰਾਂ ਅਤੇ ਜਿੰਮੀਦਾਰਾਂ ਵਿਚਕਾਰ ਵਾਪਰੀ ਘਟਨਾ ਮਗਰੋਂ ਸਮੁੱਚੇ ਪੰਜਾਬ ਦੀ ਤਰਜ਼ ਉੱਤੇ ਸਰਬਸੰਮਤੀ ਨਾਲ ਮਤਾ ਪਾਸ ਕੀਤਾ ਗਿਆ। ਇਸ ਮੌਕੇ ਬੋਲਦਿਆਂ ਨਗੇਸ਼ ਕੁਮਾਰ ਬਾਵਾ, ਅਮਿਤ ਭੰਡਾਰੀ, ਮਾ. ਬ੍ਰਹਮ ਦੱਤ ਆਦਿ ਨੇ ਕਿਹਾ ਕਿ ਸ਼ਹਿਰ ਵਾਸੀ ਮੁਸਲਿਮ ਜਾਤੀ ਦੇ ਲੋਕਾਂ ਨੂੰ ਆਪਣੀ ਜਗ੍ਹਾ ਕਿਰਾਏ ਉੱਤੇ ਨਾ ਦੇਣ। ਉਨ੍ਹਾਂ ਕਿਹਾ ਕਿ ਪਿੰਡਾਂ ਤੋਂ ਬਾਅਦ ਸ਼ਹਿਰਾਂ ਵਿਚ ਯੂਪੀ ਤੋਂ ਆਏ ਮੁਸਲਿਮ ਜਾਤੀ ਦੇ ਲੋਕਾਂ ਦੀ ਵੱਧ ਰਹੀ ਆਬਾਦੀ ਇਕ ਚਿੰਤਾ ਦਾ ਵਿਸ਼ਾ ਹੈ, ਜਿਸ ਨੂੰ ਰੋਕਣ ਦੀ ਲੋੜ ਹੈ। ਬੁਲਾਰਿਆਂ ਨੇ ਕਿਹਾ ਕਿ ਸ਼ਹਿਰ ਵਾਸੀ ਉਕਤ ਲੋਕਾਂ ਨੂੰ ਕਿਰਾਏ ਉੱਤੇ ਦਿੱਤੀਆਂ ਦੁਕਾਨਾਂ ਅਤੇ ਮਕਾਨਾਂ ਨੂੰ ਖਾਲੀ ਕਰਵਾਉਣ ਲਈ ਜ਼ਰੂਰ ਸੋਚਣ। ਉਨ੍ਹਾਂ ਕਿਹਾ ਕਿ ਜੇਕਰ ਸਾਡੇ ਵੱਲੋਂ ਅਜਿਹਾ ਨਾ ਕੀਤਾ ਗਿਆ ਤਾਂ ਆਉਣ ਵਾਲੇ ਸਮੇਂ ਵਿਚ ਸਾਨੂੰ ਪਛਤਾਉਣਾ ਪੈ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਦਿਨੋਂ ਦਿਨ ਇਨ੍ਹਾਂ ਵਿਅਕਤੀਆਂ ਦੀ ਵੱਧ ਰਹੀ ਗਿਣਤੀ ਸ਼ਹਿਰ ਦੀ ਏਕਤਾ, ਅਖੰਡਤਾ ਅਤੇ ਆਪਸੀ ਭਾਈਚਾਰਕ ਸਾਂਝ ਨੂੰ ਕਿਤੇ ਨਾ ਕਿਤੇ ਢਾਹ ਲਗਾ ਸਕਦੀ ਹੈ। ਇਸ ਮੌਕੇ ਨਿਤਿਨ ਨੰਦਾ, ਜੁਗਲ ਡੋਗਰਾ, ਸੰਦੀਪ ਸ਼ਰਮਾ, ਆਸ਼ੂ ਵਰਮਾ, ਅਮਿਤ ਸ਼ਰਮਾ, ਰਾਜੀਵ ਦੇਵਗਨ, ਨਰੇਸ਼ ਵਰਮਾ, ਮਨਜੀਤ ਸਿੰਘ ਗੋਲਡੀ, ਪ੍ਰਬੋਧ ਕੁਮਾਰ, ਅਮਿਤ ਅਰੋੜਾ, ਗੁੱਲੂ ਕੁੰਦਰਾ, ਸਚਿਨ ਭਾਰਦਵਾਜ, ਆਰ.ਕੇ, ਧੀਰਜ ਸ਼ਰਮਾ, ਅਕਾਸ਼ ਸ਼ਰਮਾ, ਤਜਿੰਦਰ ਸ਼ਰਮਾ, ਵਿਕਾਸ ਭਾਟੀਆ, ਅਮਿਤ ਸਿਆਲ, ਭੀਸ਼ਮ ਸ਼ਰਮਾ, ਰਕੇਸ਼ ਭਾਟੀਆ, ਰਿੰਕੂ ਭਾਟੀਆ ਆਦਿ ਹਾਜ਼ਿਰ ਸਨ।
Post a Comment